പുതുനഗരം: പ്രായപൂർത്തിയാവാത്ത കുട്ടികൾക്ക് ലഹരി വസ്തുക്കൾ നൽകുന്ന യുവാവ് പിടിയിൽ. പുതുനഗരം, പിലാത്തൂർമേട്, ആനമല വീട്ടിൽ ഷെമീറാണ് (22) പോലീസിന്റെ പിടിയിലായത്.കഴിഞ്ഞദിവസം കൊടുവായൂർ മരിയൻ കോളജിന് സമീപത്തുനിന്ന് 16 വയസ്സുകാരനെ കഞ്ചാവുമായി പോലീസ് പിടികൂടിയിരുന്നു. തുടർന്നുള്ള അന്വേഷണത്തിലാണ് ഷെമീർ വലയിലായത്. ഷമീറിനെ ഇതിനുമുമ്പ് പുതുനഗരം പോലീസ് കഞ്ചാവുമായി ബന്ധപ്പെട്ട് അറസ്റ്റ് ചെയ്തിട്ടുണ്ട്. കഴിഞ്ഞ ഫെബ്രുവരിയിൽ ചിറ്റൂരിൽ റേഞ്ചിലെ എക്സൈസ് സ്കോഡ് ഷമീറിന്റെ വീട് റെയ്ഡ് ചെയ്തതിൽ ഒന്നരക്കിലോ കഞ്ചാവ് ലഭിച്ചതുമായി ബന്ധപ്പെട്ട് 45 ദിവസം റിമാൻഡിൽ കഴിഞ്ഞിരുന്നതായി എസ്.ഐ അജിത് പറഞ്ഞു.
