മുംബൈ: കേരള സ്റ്റോറി ബോക്‌സോഫീസില്‍ മികച്ച കളക്ഷന്‍ നേടിയാണ് അതിന്റെ തീയറ്റര്‍ റണ്ണിംഗ് അവസാനിപ്പിച്ചത്. ചിത്രം ഒടിടി റിലീസിന് തയ്യാറാകുന്നു എന്ന വാര്‍ത്തയും പുറത്തുവന്നിരുന്നു. എന്നാല്‍ ചിത്രം വാങ്ങാന്‍ ഇതുവരെ ഒരു ഓണ്‍ലൈന്‍ സ്ട്രീമിംഗ് പ്ലാറ്റ്‌ഫോമും തയ്യാറായില്ലെന്നാണ് പറയുന്നത്. ഇതുവരെ മികച്ച കരാര്‍ ലഭിക്കാത്തതാണ് ദ കേരള സ്റ്റോറി ഒടിടി റിലീസ് വൈകാന്‍ കാരണമെന്നാണ് ചിത്രത്തിന്റെ സംവിധായകന്‍ സുദീപ്‌തോ സെന്‍ പറയുന്നത്. ‘കേരള സ്റ്റോറിക്ക് ഒരു ഒടിടി പ്ലാറ്റ്ഫോമില്‍ നിന്നും ഇപ്പോഴും അനുയോജ്യമായ ഓഫര്‍ ലഭിച്ചിട്ടില്ല’ എന്നാണ് സംവിധായകന്‍ പ്രതികരിച്ചത്.
