തിരുവനന്തപുരം: ഏറ്റുമാനൂര്‍–കോട്ടയം–ചിങ്ങവനം സെക്ഷനില്‍ പാത ഇരട്ടിപ്പിക്കല്‍ ജോലികള്‍ നടക്കുന്നതിനാല്‍ വെള്ളിയാഴ്ച മുതല്‍ മാര്‍ച്ച് അഞ്ച് വരെ ട്രെയിന്‍ ഗതാഗതത്തില്‍ നിയന്ത്രണം ഏര്‍പ്പെടുത്തി. 22647 കോര്‍ബ–കൊച്ചുവേളി ദ്വൈവാര സൂപ്പര്‍ഫാസ്റ്റ് അഞ്ച് മുതല്‍ മാര്‍ച്ച് നാല് വരെ ആലപ്പുഴ വഴിയാണ് സര്‍വീസ് നടത്തുക. 17230 ശബരി എക്സ്പ്രസ് 13 മുതല്‍ മാര്‍ച്ച് നാല് വരെയും 16649 പരശുറാം എക്സ്പ്രസ് 14 മുതല്‍ 23 വരെയും 12625 കേരള എക്സ്പ്രസ് 14 മുതല്‍ 23 വരെയും 12202 ഗരീബ്രഥ് എക്സ്പ്രസ് 17, 20 തീയതിയിലും 18567 വിശാഖപട്ടണം–കൊല്ലം 17,18 തീയതിയിലും ആലപ്പുഴ വഴിയാണ് സര്‍വീസ് നടത്തുക.
