ബേസില്‍ ജോസഫ് സംവിധാനം ചെയ്ത് ടൊവിനോ തോമസ് നായകനായ മിന്നല്‍ മുരളിയെ പുകഴ്ത്തി തമിഴ് സംവിധായകന്‍ വെങ്കട് പ്രഭു. ഗുരു സോമസുന്ദരത്തെ പ്രത്യേകം അഭിനന്ദിച്ച അദ്ദേഹം മാര്‍വല്‍ സ്റ്റുഡിയോസോ ഡിസി കോമിക്സോ മിന്നല്‍ മുരളിയുമായി സഹകരിക്കുമെന്ന പ്രതീക്ഷയും പങ്കുവച്ചു. തന്റെ ട്വിറ്റര്‍ ഹാന്‍ഡിലിലൂടെയാണ് വെങ്കട് പ്രഭു രംഗത്തെത്തിയത്. ‘മിന്നല്‍ മുരളി! നിങ്ങളെ നമിക്കുന്നു. എത്ര ഗംഭീരമായ ലോക്കല്‍ സൂപ്പര്‍ ഹീറോ സിനിമ! ഗുരു സോമസുന്ദരം, നിങ്ങള്‍ വേറെ ലെവല്‍. മാര്‍വെല്‍ സ്റ്റുഡിയോസോ, ഡിസി കോമിക്സോ ഉടന്‍ നിങ്ങള്‍ക്കൊപ്പം സഹരിക്കുമെന്ന് എനിക്ക് ഉറപ്പുണ്ട്. മിന്നല്‍ മുരളി അഭിമാനമാണ്’- വെങ്കിട്ട് പ്രഭു ട്വീറ്റ് ചെയ്തു.
