ഷാർജ: പോലീസ് റെയ്ഡിനിടെ അറസ്റ്റിൽ നിന്ന് രക്ഷപ്പെടാൻ കെട്ടിടത്തിന്റെ മൂന്നാം നിലയിൽ നിന്ന് ചാടിയ 45 കാരൻ ഗുരുതരാവസ്ഥയിൽ. ചൊവ്വാഴ്ച രാത്രി ഷാർജയിലെ അൽ നബാ ഏരിയയിലെ കെട്ടിടത്തിൽ നിന്നാണ് ബംഗ്ലാദേശ് സ്വദേശിയായ ഇയാൾ താഴേക്ക് ചാടിയത്. കാലിനും തലക്കുമാണ് പരിക്ക്. സംഭവം നടന്ന അപ്പാർട്ട്‌മെൻറിൽ ചില നിയമവിരുദ്ധ പ്രവർത്തനങ്ങൾ നടക്കുന്നതായി വിവരം ലഭിച്ചതിന്റെ അടിസ്ഥാനത്തിലാണ് റെയ്ഡ് നടത്തിയതെന്ന് പോലീസ് പറഞ്ഞു. ഇയാൾ പോലീസുകാരെ കണ്ടപ്പോൾ പരിഭ്രാന്തനായി കെട്ടിടത്തിൽ നിന്ന് ചാടുകയായിരുന്നു. വാസിത് പോലീസ് സ്റ്റേഷനാണ് അന്വേഷണ ചുമതല.
