ആലപ്പുഴ: മാവേലിക്കരയില് സി എ അരുണ് കുമാറിന്റെ പേര് നിര്ദേശിച്ച് സിപിഐ ആലപ്പുഴ ജില്ലാ കൗണ്സില്. ജില്ലാ എക്സിക്യൂട്ടീവും കൗണ്സിലും തീരുമാനിച്ച ലിസ്റ്റില് അരുണ് കുമാര് ഒന്നാം പേരുകാരനാണ്. ജില്ലാ കമ്മറ്റി അംഗം എം സി സിദ്ധാര്ത്ഥന്, എഐവൈഎഫ് നേതാവ് എം സി സന്തോഷ് കുമാര് എന്നിവരുടെ പേരുകളും ലിസ്റ്റില് ഉള്പ്പെടുത്തിയിട്ടുണ്ട്. അരുണ് കുമാര് തന്നെ സ്ഥാനാര്ത്ഥി ആകണമെന്നാണ് ജില്ലാ കൗണ്സിലില് പൊതു ആവശ്യമുയര്ന്നത്. സ്ഥാനാര്ത്ഥിയായി ആലപ്പുഴക്കാരന് വേണമെന്നും ജില്ലാ കൗണ്സിലില് ആവശ്യമുയര്ന്നു.
അരുണിനെ മാവേലിക്കരയില് സ്ഥാനാര്ത്ഥിയാക്കാന് ആസൂത്രിത നീക്കം നടന്നുവെന്ന് നേരത്തെ ഒരു വിഭാഗം ആരോപിച്ചിരുന്നു. അരുണ്കുമാര് അഡീഷണല് പ്രൈവറ്റ് സെക്രട്ടറിയായി പ്രവര്ത്തിക്കുന്ന കൃഷിമന്ത്രിയുടെ ഓഫീസ് കേന്ദ്രീകരിച്ചാണ് ആസൂത്രണം നടന്നതെന്നായിരുന്നു ആക്ഷേപം.
