ദുബൈ: ഒറ്റത്തവണ ഉപയോഗിക്കുന്ന ക്യാരി ബാഗുകള്ക്ക് ദുബൈയില് 25 ഫില്സ് ഈടാക്കും. ജൂലൈ ഒന്ന് വെള്ളിയാഴ്ച മുതല് ഇത് പ്രാബല്യത്തില് വരും. റീട്ടെയില്, ടെക്സ്റ്റൈല്, ഇലക്ട്രോണിക് സ്റ്റോറുകള്, റസ്റ്റോറന്റുകള്, ഫാര്മസികള് എന്നിവിടങ്ങളിലെ കൗണ്ടറുകളില് ഒറ്റത്തവണ ഉപയോഗിക്കുന്ന ബാഗുകള്ക്ക് 25 ഫില്സ് ഈടാക്കും.
ഇ-കൊമേഴ്സ് ഡെലിവറികള്ക്കും താരിഫ് ബാധകമാണ്. ദുബൈ എക്സിക്യൂട്ടീവ് കൗണ്സില് ഫെബ്രുവരിയില് പ്രഖ്യാപിച്ചത് അനുസരിച്ചാണ് നടപടി. നൂറു ശതമാനം ബിസിനസുകളും ഒറ്റത്തവണ ഉപയോഗിക്കാവുന്ന ബാഗുകള്ക്ക് നിരോധനം ഏര്പ്പെടുത്തുന്നതിനോ ചാര്ജ് ഈടാക്കുന്നതിനോ അനുമതി നല്കിയിട്ടുണ്ട്.
